عدوا الامور في الخدمة

يعني اية اعدي الامور في الخدمة ؟؟
--------------------------------------------
يعني لما زميلي في الخدمة يقولي كلمة مكبرهاش واوسعها واخلي اللي فوق تحت واللي تحت فوق

يعني لما فرقة الخدام يكون وسطهم خادم مش مريحهم ومع ذلك بيعدوا الامور ومش نبذينة وسطهم

يعني لما يحصل موقف من بعض زمايلي الخدام (نرفذة او عصبية) معايا اعدي الامور ومكبرهاش ولا اوصلها لابونا

يعني لما يكون حد مضايقك في خدمتك (ااقول صليب في الخدمة ) واعدي الامور

والخدمة اللي فيها مشاكل كتير دليل علي انها مش بتتحمل كتير ودليل قوي علي عدم وجود المحبة

لان (المحبة تحتمل كل شئ)

بس ياتري كل الامور هفضل اعديها حتي لو كان غلط؟

جميل اننا نحتمل ونصبر ونصلي لاجل الخدمة ولاجل ضغف الخدمة
بس مش جميل اني اشوف غلط ينمو ويتكاثر في الخدمة وااقول اصل المحبة تحتمل كل شئ

قد يكون الغلط عثرة للطفل من احد الخدام ويجب تحذيرة ولفت نظرة
قد يكون الغلط عدم اتفاق مابين الخدام ناتج عنة ادانة وافكار وغيرة
قد يكون الغلط محاباه من كبار الخدمة ناحية معينة
واللللللللللللللخ

يبقي هنا لازم تدمج المحبة اللي بتحتمل كل شئ بشوية حزم وحكمة وبكدة مش بس هتعدي الامور وكمان عالجت الامور

ربنا اللي قال كونوا ودعاء كالحمام
هو برضة اللي قال وحكماء كالحيات